O BNG de Moraña puido constatar in situ as deficiencias existentes no chamado Pavillón Vello. Un pavillón que está situado no recinto do CPI Santa Lucía.

As citadas instalacións son empregadas polos polos alumnos e alumnas do CPI para as súas clases de educación física, por nenos e nenas en actividades deportivas extraescolares e por moitos outros cidadáns que acuden alí a practicar diversos deportes.

As malas condicións do Pavillón non son unha novidade. Xa veñen de hai tempo as denuncias sobre o estado calamitoso e casi terceiro mundista destas instalacións deportivas.

Por distintas vías e colectivos xa lle ten manifestado ao goberno municipal a necesidade de actuar ante o penoso estado destas instalacións, obtendo como resposta a pasividade máis absoluta e mesmo mantendo un posicionamento contrario á realidade que alí se pode ver.

En diversos Consellos Escolares tamén se ten plantexado a situación das instalacións deportivas anexas ao CPI.

A cuestión é que os profesionais que imparten a materia de educación física no CPI Santa Lucía queixanse, e con razón, do estado lamentable do pavillón. Demandan melloras urxentes porque chove dentro, hai moita humidade, hai polvo, a falta de hixiene en xeral é patente, a iluminación e escasa e de mala calidade, a instalación eléctrica é deficiente, o pavimento non está en condicións axeitadas para a práctica deportiva. Os vestiarios están en condicións deplorables, non están limpos, non hai condicións dun mínimo confort para poderse duchar despois das clases de educación física, etc.

Mesmo os alumnos e alumnas se queixan da situación no que se atopan os vestiarios.

Dende o BNG de Moraña vimos de presentar no rexistro do concello unha moción para solicitar medidas urxentes para a mellora do vial, instalación do servizo de alumeado público e outras actuacións na chamada Urbanización Devesa de Campenlos da rúa 7 de Santa Lucía.

Con esta iniciativa propoñemos á Corporación a adopción dos seguintes acordos:

1.- Que o goberno municipal adopte as medidas urxentes necesarias para executar con celeridade a instalación de alumeado público de calidade na urbanización de vivendas unifamiliares da rúa 7, do xeito que se resolva xa a falta de luz pública nesta zona.

2.- Que o goberno municipal adopte as medidas urxentes necesarias para executar a mellora da plataforma do vial da urbanización con pavimento compatible a unha zona urbana.

3.- Que o goberno municipal adopte as medidas urxentes e necesarias para que a quen lle corresponda manteña limpa a parcela urbana situada ao sur destas vivendas, e que se arranxe o burato situado a carón do vial da rúa 7.

4.- Que o goberno municipal adopte as medidas necesarias para executar a continuidade da beirarrúa que vén dende a gardería A Galiña Azul e pasa paralela á chamada mámoa de Santa Lucía, con material compatible e autorizable por Patrimonio.

No pleno do pasado venres o goberno municipal do Partido Popular viuse obrigado a presentar unha modificación da ordenanza que regula os prezos da Escola Municipal de Música debido á proposta presentada polo BNG en forma de moción no anterior pleno e aprobada por unanimidade. Lamentablemente esta moción non cumpreu as expectativas e dende o noso grupo municipal manifestamos a nosa oposición e votamos en contra. Os motivos son os seguintes:

– non compartimos a redacción

– os aspectos formais e conceptuais

– e o efecto retroactivo que se plantea

Dende o BNG-MORAÑA cremos que esta modificación da ordenanza dos prezos polos servizos da ESMU obedece e deriva dunha DECISIÓN POLÍTICA DO PP do mes de xuño.

• Unha decisión política que cambiou as condicións da ensinanza para os alumos da ESMU.

• Unha decisión política do PP que non tivo en conta as repercusións posibles, nin as normas, ni nao conxunto da comunidade da ESMU. Unha decisión da alcaldesa do Partido Popular aplicando criterios económicos e non da calidade da ensinanza.

• Unha decisión política errónea que agora pretenden disimular e tapala. É un claro intento de desviar a atención, de escurrir o bulto e mirar para outro lado.

Nós Non imos ser cómplices das súas decisións, nin dos erros do PP

Ademais disto:

– O BNG propuxo unha iniciativa en positivo aprobada por unanimidade da Corporación o 3 de outubro aprobouse cos seguintes acordos a adoptar:

1º Estudar as posibilidades de volver ás clases individuais . A día de hoxe non coñecemos ningunha proposta nin ningún informe que diga que non se pode volver ás clases individuais.

Á parte de non convocar dita xuntanza nin tan siquera houbo a decencia política de chamarnos aos Grupos municipais da oposición para plantexarnos a posibilidade da modificación da ordenanza. Decencia política que neste Concello sempre houbo con outros gobernos e que desgraciadamente agora desapareceu por completo.

2º Outro acordo aprobado por todos establecía que, de non ser posible volver ás clases individuais se aplicara a ordenanza vixente. E vostedes veñen cunha modificación da Ordenanza. O que pretenden é tapar os erros da súa decisión.

Por outra banda, a Alcaldesa comprometerase a revisar a ordenanza da ESMU cos pais e nais, para adaptala á realidade socioeconómica actual e para adaptala á realidade actual da propia escola. No sentido de incluir medidas económicas e fiscais favorecedoras para familias con dificultades, etc… por iso reafirmámonos que o que pretenden con esta modificación é maquillar a decisión que o PP tomou no seu día de cambiar as condicións da ensinanza.

Dende o BNG-MORAÑA manifestamos que continuaremos a defender o que é de xustiza, e neste caso continuaremos a defender as demandas dos pais e nais da Escola Municipal de Música e o cumprimento dos acordos realizados no pleno, en particular da nosa moción do mes de outubro.